Monday, July 30, 2007

الحرية في مصر قهوة بس


الحرية في مصر قهوة

كل شبابيكها إزاز

فيها النور يدخل بطيبة

يتوه ولا يلقاش ملاز

لو يحب يفك منها

يلقى حكم ف يد محضر

ينفيه وسط ناس سكارى

او جماعة للشواذ

دة اللي عامل انه فاهم

وهو مش فاهم و راسي

ان دية تمثيلية

هو دوره فيها قاسي

لأن حظه مادلوش

والزمن لمواهبه ناسي

والدنيا شافت شغلها

من مرجحة لتبديل كراسي

ودة اللي كان ضده معاها

راح مقرب

مركبة كات وسط موج

عماله تشرب

طفل شده نشان ف مولد

قال ما اجرب

ف البداية

حظه كان عمال بيدي

فجأة شطب

ودول بنات ازهار بنفسج

لون شحوب مبقاش بيبهج

ف ضحكهم الدمع يغلب

اصلهم شافوا كتير

والصفح مش راضية تقلب.

.

.

ورجعنالكم تاني وحشتوني كتير معلش اني اتأخرت عليكم يادوب على ما نفضت البلوج و رشيت ميه

اصلي رجعت لقيته مهجور

المهم دي قصيدة لشاعر جميييييييييييل جدا ربنا يوفقهاسمه ضياء عبد الرحمن وصفت في وقت اللي كان نفسي اقوله عن اني مش شايفة ميزان كويس للحرية في مصر

يا اما ناس مش فهمين ان الكبت يولد انفجار يا اما ناس فاهمة ان الحرية هي شرب وسهر صياعة

عموما هو موضوع اكبر من اني اختصره وانا مش عاوزة اتقل عليكوا من اولها :).

للي مش عارف الحرية دة اسم قهوة في وسط البلد


Tuesday, July 24, 2007

انتظرونا



......سنعود